Coolie no.1 (1991) - 2

పాట - 1

సాకీ :

జై జై జై జై... గణేష జై జై జై జై...

జై జై జై జై... వినాయక జై జై జై జై...

పల్లవి :

దండాలయ్య ఉండ్రాళ్ళయ్యా దయుంచయ్యా దేవ

నీ అండాదండా ఉండాలయ్యా చూపించయ్యా త్రోవ

పిండి వంటలారగించీ తొండమెత్తి దీవించయ్యా

తండ్రివలె ఆదరించి తోడు నీడ అందించయ్యా... ఓ...

దండాలయ్య ఉండ్రాళ్ళయ్యా దయుంచయ్యా దేవ

నీ అండాదండా ఉండాలయ్యా చూపించయ్యా త్రోవ

చరణం : 1

చిన్నారి ఈ చిట్టెలుకెలా భరించెరా లంబోదర పాపం కొండంత నీ పెనుభారం

ముచ్చెమటలు కక్కిందిరా ముజ్జగములు తిప్పిందిరా హోహోహో జన్మ ధన్యం

చిన్నారి ఈ చిట్టెలుకెలా భరించెరా లంబోదర పాపం కొండంత నీ పెనుభారం

ముచ్చెమటలు కక్కిందిరా ముజ్జగములు తిప్పిందిరా హోహోహో జన్మ ధన్యం

అంబారిగ ఉండగల ఇంతటి వరం అయ్యారాఅయ్యా

అంబాసుతా ఎందరికి లభించురా అయ్యారా అయ్యా

ఎలుకనెక్కే ఏనుగు కథ చిత్రం కదా

దండాలయ్య ఉండ్రాళ్ళయ్యా దయుంచయ్యా దేవ

నీ అండాదండా ఉండాలయ్యా చూపించయ్యా త్రోవ

చరణం : 2

శివుని శిరసు సింహాసనం పొందిన చంద్రుని గోరోజనం నిన్నే చేసింది వేళా కోళం

ఎక్కిన మదం దిగిందిగా తగిన ఫలం దక్కిందిగా ఏవైపోయింది గర్వం

శివుని శిరసు సింహాసనం పొందిన చంద్రుని గోరోజనం నిన్నే చేసింది వేళా కోళం

ఎక్కిన మదం దిగిందిగా తగిన ఫలం దక్కిందిగా ఏవైపోయింది గర్వం

త్రిమూర్తులే నిను గని తలొంచరా అయ్యారా అయ్యా

నిరంతరం మహిమను కీర్తించరా అయ్యారా అయ్యా

నువ్వెంతనే అహం నువ్వే దండించరా

దండాలయ్య ఉండ్రాళ్ళయ్యా దయుంచయ్యా దేవ

నీ అండాదండా ఉండాలయ్యా చూపించయ్యా త్రోవ

అరెరెరెరెరే... పిండి వంటలారగించీ తొండమెత్తి దీవించయ్యా

తండ్రివలె ఆదరించి తోడు నీడ అందించయ్యా... ఓ....

దండాలయ్య ఉండ్రాళ్ళయ్యా దయుంచయ్యా దేవ

నీ అండాదండా ఉండాలయ్యా చూపించయ్యా త్రోవ

చిత్రం : కూలీ నెం.1 (1991)

రచన : సిరివెన్నెల

సంగీతం : ఇళయరాజా

గానం : ఎస్.పి.బాలు, బృందం

----

పాట - 2

పల్లవి :

కొత్త కొత్తగా ఉన్నది స్వర్గమిక్కడే అన్నది

కోటి తారలే పూల ఏరులై... కోటి తారలే పూల ఏరులై...

నేల చేరగానే...

కొత్త కొత్తగా ఉన్నది స్వర్గమిక్కడే అన్నది

చరణం : 1

నా కన్ను ముద్దాడితే కన్నె కులుకాయే కనకాంబరం

నా చెంత సంపెంగలో కెంపు రంగాయే తొలి సంబరం

ఎన్ని పొంగులో కుమారి కొంగులో

ఎన్ని రంగులో సుమాల వాగులో

ఎన్ని పొంగులో కుమారి కొంగులో

ఎన్ని రంగులో సుమాల వాగులో

ఉద్యోగమిప్పించవా సోకు ఉద్యాన వనమాలిగా

జీతమియ్యగా లేత వన్నెలే చెల్లించుకోనా

కొత్త కొత్తగా ఉన్నది స్వర్గమిక్కడే అన్నది

కోటి తారలే పూల ఏరులై... కోటి తారలే పూల ఏరులై...

నేల చేరగానే...

కొత్త కొత్తగా ఉన్నది స్వర్గమిక్కడే అన్నది

చరణం : 2

నీ నవ్వు ముద్దాడితే మల్లెపువ్వాయే నా యవ్వనం

నాజూకు మందారమే ముళ్ల రోజాగా మారే క్షణం

మొగలి పరిమళం మగాడి కౌగిలి

మగువ పరవశం సుఖాల లోగిలి

మొగలి పరిమళం మగాడి కౌగిలి

మగువ పరవశం సుఖాల లోగిలి

కండల్లో వైశాఖమా కైపు ఎండల్లో కరిగించుమా

తీగమల్లికి నరాల పందిరి అందించుకోనా

కొత్త కొత్తగా ఉన్నది స్వర్గమిక్కడే అన్నది

కోటి తారలే పూల ఏరులై... కోటి తారలే పూల ఏరులై...

నేల చేరగానే...

కొత్త కొత్తగా ఉన్నది స్వర్గమిక్కడే అన్నది

చిత్రం : కూలీ నెం.1 (1991)

రచన : సిరివెన్నెల

సంగీతం : ఇళయరాజా

గానం : ఎస్.పి.బాలు, చిత్ర