Akali rajyam (1981) - 2

పాట - 1

పల్లవి :

తన్న తన్ననన తన్న తన్ననన తన్నాన ననన తనతన తన్నాన

ఓహో... కన్నెపిల్లవని కన్నులున్నవని

ఎన్నెన్ని వగలు పోతున్నావే చిన్నారీ

లల్లలల్లలల లల్లలల్లలల లల్లల లల్లల లాలలాల లాలాలా

చిన్న నవ్వు నవ్వి వన్నెలన్ని రువ్వి

ఎన్నెన్ని కలలు రప్పించావే పొన్నారీ

కన్నెపిల్లవని కన్నులున్నవని

ఎన్నెన్ని వగలు పోతున్నావే చిన్నారీ

చిన్న నవ్వు నవ్వి వన్నెలన్ని రువ్వి

ఎన్నెన్ని కలలు రప్పించావే పొన్నారీ

ఏమంటావ్... ఊఁ...

ఉహుఁ... సంగీతం

నన్నానా... ఉఁ... నువ్వైతే

రీసరి... సాహిత్యం ఊహుఁ... నేనౌతా

సంగీతం నువ్వైతే సాహిత్యం నేనౌతా

కన్నెపిల్లవని కన్నులున్నవని

ఎన్నెన్ని వగలు పోతున్నావే చిన్నారీ

చిన్న నవ్వు నవ్వి వన్నెలన్ని రువ్వి

ఎన్నెన్ని కలలు రప్పించావే పొన్నారీ

చరణం : 1

ననననాన సే ఇట్ వన్స్ ఎగైన్

ననననాన... స్వరము నీవై...

తరనన తరరనన స్వరమున పదము నేనై ఓకే

తానే తానే తానా... గానం గీతం కాగా

తరనతన కవిని నేనై

తానా ననన తనా... నాలో కవిత నీవై

నాన నాననా లలలా తనన తరన

కావ్యమైనదీ తలపో పలుకో మనసో

కన్నెపిల్లవని కన్నులున్నవని

ఎన్నెన్ని వగలు పోతున్నావే చిన్నారీ

చిన్న నవ్వు నవ్వి వన్నెలన్ని రువ్వి

ఎన్నెన్ని కలలు రప్పించావే పొన్నారీ

సంగీతం నువ్వైతే సాహిత్యం నేనౌతా

చరణం : 2

ఇప్పుడు చూద్దాం...

తనన తనన తన్న

ఉహూ... తనన తనన అన్నా

తాన తన్న తానం తరనా తన్న

తాన అన్న తాళం ఒకటే కదా

తనన తాన తాన నాన తాన అయ్య బాబోయ్

తనన తాన తాన నాన తాన ఉహ్...

పదము చేర్చి పాట కూర్చలేదా శ భాష్

దనిని దససా అన్నా నీదా అన్నా

స్వరమే రాగం కదా

నీవు నేనని అన్నా మనమే కాదా

నీవు నేనని అన్నా మనమే కాదా

కన్నెపిల్లవని కన్నులున్నవని

కవిత చెప్పి మెప్పించావే గడసరి

చిన్న నవ్వు నవ్వి నిన్ను దువ్వి దువ్వి

కలిసి నేను మెప్పించేది ఎపుడని

కన్నెపిల్లవని కన్నులున్నవని

కవిత చెప్పి మెప్పించావే గడసరి

చిన్న నవ్వు నవ్వి నిన్ను దువ్వి దువ్వి

కలిసి నేను మెప్పించేది ఎపుడని

ఆహాహా లలల్లా ఆహాహా...

చిత్రం : ఆకలిరాజ్యం (1981)

రచన : ఆచార్య ఆత్రేయ

సంగీతం : ఎం.ఎస్.విశ్వనాథన్

గానం : ఎస్.పి.బాలు, ఎస్.జానకి

----

పాట - 2

పల్లవి:

సాపాటు ఎటూలేదు పాటైనా పాడు బ్రదర్

సాపాటు ఎటూలేదు పాటైనా పాడు బ్రదర్

రాజధాని నగరంలో వీధి వీధి నీది నాదే బ్రదర్...

స్వతంత్ర దేశంలో చావు కూడా పెళ్ళిలాంటిదే బ్రదర్...

సాపాటు ఎటూలేదు పాటైనా పాడు బ్రదర్

రాజధాని నగరంలో వీధి వీధి నీది నాదే బ్రదర్...

స్వతంత్ర దేశంలో చావు కూడా పెళ్ళిలాంటిదే బ్రదర్...

చరణం : 1

మన తల్లి అన్నపూర్ణ మన అన్న దానకర్ణ

మన భూమి వేదభూమిరా తమ్ముడూ

మన కీర్తి మంచు కొండరా... ఆ ఆ..

మన తల్లి అన్నపూర్ణ మన అన్న దానకర్ణ

మన భూమి వేదభూమిరా తమ్ముడూ

మన కీర్తి మంచు కొండరా

డిగ్రీలు తెచ్చుకొని చిప్ప చేతపుచ్చుకొని

ఢిల్లీకి చేరినాము దేహి దేహి అంటున్నాము

దేశాన్ని పాలించే భావిపౌరులం బ్రదర్..

సాపాటు ఎటూలేదు పాటైనా పాడు బ్రదర్

రాజధాని నగరంలో వీధి వీధి నీది నాదే బ్రదర్...

స్వతంత్ర దేశంలో చావు కూడా పెళ్ళిలాంటిదే బ్రదర్...

చరణం : 2

బంగారు పంట మనది మిన్నేరు గంగ మనది

ఎలుగె త్తి చాటుదామురా ఇంట్లో ఈగల్ని తోలుదామురా

ఈ పుణ్యభూమిలో పుట్టటం మన తప్పా

ఈ పుణ్యభూమిలో పుట్టటం మన తప్పా

ఆవేశం ఆపుకోని అమ్మానాన్నదే తప్పా

ఆవేశం ఆపుకోని అమ్మానాన్నదే తప్పా

గంగలో మునకేసి కాషాయం కట్టేయ్ బ్రదర్..

సాపాటు ఎటూలేదు పాటైనా పాడు బ్రదర్

రాజధాని నగరంలో వీధి వీధి నీది నాదే బ్రదర్...

స్వతంత్ర దేశంలో చావు కూడా పెళ్ళిలాంటిదే బ్రదర్...

చరణం : 3

సంతాన మూలికలం సంసార బానిసలం

సంతానలక్ష్మి మనదిరా తమ్ముడూ

సంపాదనొకటి బరువురా... ఓ ఓ...

చదవెయ్య సీటులేదు చదివొస్తే పనీలేదు

అన్నమో రామచంద్రా అంటే పెట్టే దిక్కులేదు

దేవుడిదె భారమని పెంపుచేయరా బ్రదర్..

సాపాటు ఎటూలేదు పాటైనా పాడు బ్రదర్

రాజధాని నగరంలో వీధి వీధి నీది నాదే బ్రదర్...

స్వతంత్ర దేశంలో చావు కూడా పెళ్ళిలాంటిదే బ్రదర్...

చిత్రం : ఆకలి రాజ్యం (1981)

రచన : ఆచార్య ఆత్రేయ

సంగీతం : ఎం.ఎస్.విశ్వనాథన్

గానం : ఎస్.పి.బాలసుబ్రహ్మణ్యం