పాదమెటు పోతున్నా... పయనమెందాకైనా...
అడుగు తడబడుతున్నా... తోడురానా...
చిన్ని ఎడబాటైనా... కంటతడి పెడుతున్నా...
గుండె ప్రతి లయలోనా... నేను లేనా...
ఒంటైరె నా ఓటమైనా... వెంటనడిచే నీడవేనా...
ఓ... మై ఫ్రెండ్... తడి కన్నులనే తుడిచిన నేస్తమా...
ఓ... మై ఫ్రెండ్... ఒడిదుడుకులలో నిలిచిన స్నేహమా...
చరణం : 1
అమ్మ ఒడిలో లేని పాశం నేస్తమల్లే... అల్లుకుందీ...
జన్మకంతా తీరిపోనీ మమతలెన్నో... పంచుతోందీ...
మీరు మీరు నుంచీ... మన స్నేహగీతం...
ఏరా ఏరాల్లోకీ మారే...
మోమాటాలే లేనీ... కలే జాలువారే !
ఒంటైరె నా ఓటమైనా... వెంటనడిచే నీడవే...
ఓ... మై ఫ్రెండ్... తడి కన్నులనే తుడిచిన నేస్తమా...
ఓ... మై ఫ్రెండ్... ఒడిదుడుకులలో నిలిచిన స్నేహమా...
చరణం : 2
వాన వస్తే కాగితాలే పడవలయ్యే జ్ఞాపకాలే..
నిన్నుచూస్తే చిన్ననాటీ చేతలన్నీ చెంతవాలే...
గిల్లి కజ్జాలెన్నో... ఇలా పెంచుకొంటూ...
తుళ్ళింతల్లో తేలే స్నేహం...
మొదలో తుదలో తెలిపే... ముడి వీడకుందే...
మోమాటాలే లేనీ... కలే జాలువారే !
ఒంటైరె నా ఓటమైనా... వెంటనడిచే నీడవే...
ఓ... మై ఫ్రెండ్... తడి కన్నులనే తుడిచిన నేస్తమా...
ఓ... మై ఫ్రెండ్... ఒడిదుడుకులలో నిలిచిన స్నేహమా...
చిత్రం : హ్యాపీ డేస్ (2007)
రచన : వనమాలి
సంగీతం : మిక్కీ జె.మేయర్
గానం : కార్తీక్
----
సాకీ :
నీకోసం దిగిరానా... నేనెవరో మరిచానా
నీడల్లే కదిలానా... నీ వల్లే కరిగానా
నా కోసం నేన్లేనా... మనసంతా నువ్వేనా
ప్రేమంటే ఇంతేనా... కాదన్నా వింటేనా!
పల్లవి :
అరెరే... అరెరే... మనసే... జారే...
అరెరే... అరెరే... వరసే... మారే...
ఇదివరకెపుడూ... లేదే
ఇది నా మనసే... కాదే
ఎవరేమన్నా... వినదే
తనదారేదో... తనదే
అంతా నీ మాయలోనే... రోజూ నీ నామస్మరణే
ప్రేమా ఈ వింతలన్ని నీ వల్లనే
అంతా నీ మాయలోనే... రోజూ నీ నామస్మరణే
ప్రేమా ఈ వింతలన్ని నీ వల్లనే
చరణం : 1
స్నేహమేరా... జీవితం అనుకున్నా
ఆజ్ మేరా... ఆశలే కనుగొన్నా
మలుపులు ఎన్నైనా... ముడిపడిపోతున్నా
ఇంక సెకనుకెన్ని నిమిషాలో
అనుకుంటు రోజు గడపాలా
మది కోరుకున్న మధుబాల... చాల్లే నీ గోల...
అంతా నీ మాయలోనే... రోజూ నీ నామస్మరణే
ప్రేమా ఈ వింతలన్ని నీ వల్లనే
అంతా నీ మాయలోనే... రోజూ నీ నామస్మరణే
ప్రేమా ఈ వింతలన్ని నీ వల్లనే
చరణం : 2
చిన్నినవ్వే... చైత్రమై పూస్తుంటే
చెంత చేరీ... చిత్రమే చూస్తున్నా
చిటపట చినుకుల్లో... తడిసిన మెరుపమ్మా
తె లుగింటిలోని తోరణమా
కనుగొంటి గుండె కలవరమా
అలవాటు లేని పరవశమా...
వరమా... హాయ్ రామా!
అరెరే... అరెరే... మనసే... జారే...
అరెరే... అరెరే... వరసే... మారే...
ఇదివరకెపుడూ... లేదే
ఇది నా మనసే... కాదే
ఎవరేమన్నా... వినదే
తనదారేదో... తనదే
అంతా నీ మాయలోనే... రోజూ నీ నామస్మరణే
ప్రేమా ఈ వింతలన్ని నీ వల్లనే
అంతా నీ మాయలోనే... రోజూ నీ నామస్మరణే
ప్రేమా ఈ వింతలన్ని నీ వల్లనే
చిత్రం : హ్యాపీ డేస్ (2007)
రచన : వనమాలి
సంగీతం : మిక్కీ జె.మేయర్
గానం : కార్తీక్
No comments:
Post a Comment