Thursday, March 31, 2011

Jai jawan (1970) - 1

పాట - 1
సాకీ :

వీరభారతీయ పౌరులారా! దేశమాత పిలుపు వినలేరా!

పల్లవి :

హిమాలయంలో మంటలురేగి ప్రమాద సమయం వచ్చింది

స్వతంత్య్ర భారతయోధుల్లారా సవాలెదుర్కొని కదలండి

స్వతంత్య్ర భారతయోధుల్లారా సవాలెదుర్కొని కదలండి

చరణం : 1

అంతా స్నేహితులనుకున్నాము

అందరి మేలు ఆశించాము

అందరి మేలు ఆశించాము

పరుల మంచిపై నమ్మకముంచి

పగటికలలో జీవించాము

నే టికి కలిగెను కనువిప్పు

ముంచుకు వచ్చెను పెనుముప్పు

స్వతంత్య్ర భారతయోధుల్లారా సవాలెదుర్కొని కదలండి

చరణం : 2

వీరమాతలారా సుతులకు

చందన గంధం పూయండి

చందన గంధం పూయండి

వీరవనితలారా పతులకు

కుంకుమ తిలకం తీర్చండి

కుంకుమ తిలకం తీర్చండి

నెత్తురుపొంగే యువకుల్లారా కత్తులుదూసి దూకండి

బానిసతనమున బ్రతికేకన్న చావేమేలని తలచండి

స్వతంత్య్ర భారతయోధుల్లారా సవాలెదుర్కొని కదలండి

చరణం : 3

మనమంతా ఒకజాతి సమైక్యమే మననీతి

మనమంతా ఒకజాతి సమైక్యమే మననీతి

కులమేదైనా మతమేదైనా వేషం భాష వేరే అయినా

జనమొకటే అని చాటండి

ధర్మదీక్షయే మన కవచం తప్పక మనదే ఘనవిజయం

స్వతంత్య్ర భారతయోధుల్లారా సవాలెదుర్కొని కదలండి

చరణం : 4

భరతమాత పరువు నిల్పగా ఆ.....

భరత వీర ప్రతిన దాల్పరా ఆ.....

జయపతాక చేతబూనరా ఆ.....

సమర విజయశంఖమూదరా ఆ...

సమర విజయశంఖమూదరా ఆ...


చిత్రం : జైజవాన్ (1970)

రచన : శ్రీశ్రీ

సంగీతం : సాలూరి రాజేశ్వరరావు

గానం : పి.సుశీల, బృందం

No comments:

Post a Comment