Atmabalam (1964) - 1

పాట - 1

పల్లవి :

చిటపట చినుకులు పడుతూవుంటే

చెలికాడే సరసన ఉంటే

చెట్టాపట్టగ చేతులు పట్టి చెట్టునీడకై పరిగెడుతుంటే

చెప్పలేని ఆ హాయి ఎంతో వెచ్చగ ఉంటుందోయి

చెప్పలేని ఆ హాయి ఎంతో వెచ్చగ ఉంటుందోయి

ఉరుములు పెళపెళ ఉరుముతు వుంటే

మెరుపులు తళతళ మెరుస్తు వుంటే

మెరుపు వెలుగులో చెలి కన్నులలో

బిత్తర చూపులు కనపడుతుంటే

చెప్పలేని ఆ హాయి ఎంతో వెచ్చగ ఉంటుందోయి

చెప్పలేని ఆ హాయి ఎంతో వెచ్చగ ఉంటుందోయి

చరణం : 1

కారుమబ్బులు కమ్ముతువుంటే.. కమ్ముతువుంటే

ఓ... కళ్ళకు ఎవరూ కనపడకుంటే.. కనపడకుంటే

ఆ... కారుమబ్బులు కమ్ముతువుంటే.. కమ్ముతువుంటే

ఓ... కళ్ళకు ఎవరు కనపడకుంటే.. కనపడకుంటే

జగతిని ఉన్నది మనమిద్దరమే అనుకొని హత్తుకు పోతుంటే

జగతిని ఉన్నది మనమిద్దరమే అనుకొని హత్తుకు పోతుంటే

చెప్పలేని ఆ హాయి ఎంతో వెచ్చగ ఉంటుందోయి

చెప్పలేని ఆ హాయి ఎంతో వెచ్చగ ఉంటుందోయి

చరణం : 2

చలిచలిగా గిలి వేస్తుంటే అహా.. హాహాహా

గిలిగింతలు పెడుతూవుంటే ఒహొహొహో

చలిచలిగా గిలి వేస్తుంటే అహా.. హాహాహా

గిలిగింతలు పెడుతూవుంటే ఒహొహొహో

చెలి గుండియలో రగిలే వగలే

చెలి గుండియలో రగిలే వగలే

చలి మంటలుగా అనుకుంటే

చెప్పలేని ఆ హాయి ఎంతో వెచ్చగ ఉంటుందోయి

చిటపట చినుకులు పడుతూవుంటే

చెలికాడే సరసన ఉంటే

చెట్టాపట్టగ చేతులు పట్టి చెట్టునీడకై పరిగెడుతుంటే

చెప్పలేని ఆ హాయి ఎంతో వెచ్చగ ఉంటుందోయి

చెప్పలేని ఆ హాయి ఎంతో వెచ్చగ ఉంటుందోయి

చిత్రం : ఆత్మబలం (1964)

రచన : ఆచార్య ఆత్రేయ

సంగీతం : కె.వి.మహదేవన్

గానం : ఘంటసాల, పి.సుశీల