Antham (1992) - 1

పాట - 1

ఆర్.డి.బర్మన్

పల్లవి :

నీ నవ్వు చెప్పింది నాతో నేనెవ్వరో ఏమిటో

నీ నీడ చూపింది నాలో ఇన్నాళ్ళ లోటేమిటో

ఓ... లాలలాల ఓ... లాలలాలలా...

నీ నవ్వు చెప్పింది నాతో నేనెవ్వరో ఏమిటో

నీ నీడ చూపింది నాలో ఇన్నాళ్ళ లోటేమిటో

చరణం : 1

నాకై చాచిన నీ చేతిలో చదివాను నా నిన్నని

నాకై చాచిన నీ చేతిలో చదివాను నా నిన్నని

నాతో సాగిన నీ అడుగులో చూశాను మన రేపుని

పంచేందుకే ఒకరు లేని బతుకెంత బరువో అని

ఏతోడుకీ నోచుకోని నడకెంత అలుపో అని

చరణం : 2

నల్లని నీ కనుపాపలలో ఉదయాలు కనిపించనీ

నల్లని నీ కనుపాపలలో ఉదయాలు కనిపించనీ

వెన్నెల పేరే వినిపించనీ నడిరేయి కరిగించనీ

నా పెదవిపై నువ్విలాగ చిరునవ్వు పుడుతుందనీ

నీ సిగ్గు నా జీవితాన తొలిముద్దు పెడుతుందనీ

చరణం : 3

ఏనాడైతే ఈ జీవితం రెట్టింపు బరువెక్కునో

ఏనాడైతే ఈ జీవితం రెట్టింపు బరువెక్కునో

తనువు మనసు చెరి సగమని పంచాలి అనిపించునో

సరిగా అదే శుభముహూర్తం సంపూర్ణమైయ్యేందుకు

మనమే మరో కొత్త జన్మం పొందేటి బంధాలకు

ఆ... లాలలాల ఆ... లాలలాలలా...

నీ నవ్వు చెప్పింది నాతో నేనెవ్వరో ఏమిటో

నీ నీడ చూపింది నాలో ఇన్నాళ్ళ లోటేమిటో

చిత్రం : అంతం (1992)

రచన : సిరివెన్నెల

సంగీతం : ఆర్.డి.బర్మన్

గానం : ఎస్.పి.బాలసుబ్రహ్మణ్యం