Kanne vayasu (1973) - 1

పాట - 1

పల్లవి :

ఏ దివిలో విరిసిన పారిజాతమో...

ఏ కవిలో మెరిసిన ప్రేమగీతమో...

నా మదిలో నీవై నిండిపోయెనే...

ఏ దివిలో విరిసిన పారిజాతమో...

ఏ కవిలో మెరిసిన ప్రేమగీతమో...

నీ రూపమె దివ్య దీపమై

నీ నవ్వులె నవ్యతారలై

నా కన్నుల వెన్నెల కాంతి నింపెనే ...

ఏ దివిలో విరిసిన పారిజాతమో...

ఏ కవిలో మెరిసిన ప్రేమగీతమో..

చరణం : 1

పాలబుగ్గలను లేత సిగ్గులు పల్లవించగా రావే

నీలి ముంగురులు పిల్ల గాలితో ఆటలాడగా రావే

కాలి అందియలు ఘల్లుఘల్లుమన రాజహంసలా రావే

ఏ దివిలో విరిసిన పారిజాతమో...

ఏ కవిలో మెరిసిన ప్రేమగీతమో...

చరణం : 2

నిదుర మబ్బులను మెరుపు తీగవై కలలు రేపినది నీవే

బ్రతుకు వీణపై ప్రణయరాగములు ఆలపించిన ది నీవే

పదము పదములో మధువులూరగా

పదము పదములో మధువులూరగా కావ్యకన్యవై రావే

ఏ దివిలో విరిసిన పారిజాతమో...

ఏ కవిలో మెరిసిన ప్రేమగీతమో...

చిత్రం : కన్నెవయసు (1973)

రచన : దాశరథి

సంగీతం : సత్యం

గానం : ఎస్.పి.బాలసుబ్రహ్మణ్యం