Kanchana ganga (1984) - 2

పాట - 1

పల్లవి:

ఆ... ఆహాహా...

నీ తీయని పెదవులు అందకపోతే నిదరే రాదమ్మా

లలలలా... లలలాలలాల లలలా లలలా

నీ కాటుక క ళ్లే నవ్వకపోతే కలలే రావమ్మా

లలాలలాలలా... ఆ....

నీవే నీవే నా ఆలాపన...నీలో నేనే ఉన్నా

నీ తీయని పెదవులు అందకపోతే నిదరే రాదమ్మా

నీ కాటుక క ళ్లే నవ్వకపోతే కలలే రావమ్మా

చరణం : 1

నీ అందమే అరుదైనది... నా కోసమే నీవున్నది

హద్దులు చెరిపేసి చిరు ముద్దులు కలబోసి

హద్దులు చెరిపేసి చిరు ముద్దులు కలబోసి

పగలూ రేయి ఊగాలమ్మా పరవళ్లలో

నీ తీయని పెదవులు అందకపోతే నిదరే రాదమ్మా

లలలలా... లలలాలలాల లలలా లలలా

నీ కాటుక క ళ్లే నవ్వకపోతే కలలే రావమ్మా

లలాలలాలలా... ఆ....

చరణం : 2

ఏ గాలులు నిను తాకినా

నా గుండెలో ఆవేదన... ఆహా...

వలపే మన సొంతం ప్రతి మలుపూ రసవంతం

వలపే మన సొంతం ప్రతి మలుపూ రసవంతం

కాగే విరహం కరగాలమ్మా కౌగిళ్ళలో

నీ తీయని పెదవులు అందకపోతే నిదరే రాదమ్మా

నీ కాటుక క ళ్లే నవ్వకపోతే కలలే రావమ్మా

నీవే నీవే నా ఆలాపన... నీలో నేనే ఉన్నా

నీ తీయని పెదవులు అందకపోతే నిదరే రాదమ్మా

చిత్రం : కాంచనగంగ (1984)

రచన : డా.సి.నారాయణరెడ్డి

సంగీతం : చక్రవర్తి

గానం : ఎస్.పి.బాలు, ఎస్.జానకి

----

పాట - 2

పల్లవి :

వనితా లతా కవితా మనలేవు లేక జత

వనితా లతా కవితా మనలేవు లేక జత

ఇవ్వాలి చేయూత మనసివ్వడమే మమత

మనసివ్వడమే మమత...

వనితా లతా కవితా మనలేవు లేక జత

చరణం : 1

పూలు రాలి నేలకూలి తీగబాల సాగలేదు

చెట్టు లేక అల్లుకోక పూవు రాదు నవ్వులేదు

మోడుమోడని తిట్టుకున్నా తోడు విడిచేనా

తొలకరించే కొత్త ఆశ తొలగిపోయేనా

వనితా లతా కవితా మనలేవు లేక జత

చరణం : 2

ఆదరించే ప్రభువు లేక కావ్యబాల నిలువలేదు

కవిత అయినా వనిత అయినా ప్రేమలేక పెరగలేదు

చేదు చేదని తిట్టుకున్నా చెలిమి విడిచేనా

చేదు మింగి తీపి నీకై పంచ మరిచేనా

వనితా లతా కవితా మనలేవు లేక జత

చరణం : 3

తనది అన్న గూడు లేక కన్నెబాల బతకలేను

నాది అన్న తోడు లేక నిలువలేదు విలువలేదు

పీడపీడని తిట్టుకున్నా నీడ విడిచేనా

వెలుగులోనా నీడలోనా నిన్ను మరిచేనా

వనితా లతా కవితా మనలేవు లేక జత

ఇవ్వాలి చేయూత మనసివ్వడమే మమత

మనసివ్వడమే మమత...

చిత్రం : కాంచన గంగ (1984)

రచన : వేటూరి

సంగీతం : చక్రవర్తి

గానం : ఎస్.పి.బాలసుబ్రహ్మణ్యం