Kalpana (1977) - 1

పాట - 1

పల్లవి :

దిక్కులు చూడకు రామయ్య పక్కనే ఉన్నది సీతమ్మ

దిక్కులు చూడకు రామయ్య పక్కనే ఉన్నది సీతమ్మ సీతమ్మ

సిరిమల్లె నవ్వుల సీతమ్మ ముందుకు రావే ముద్దులగుమ్మ

సిరిమల్లె నవ్వుల సీతమ్మ ముందుకు రావే ముద్దులగుమ్మ ముద్దులగుమ్మ

చరణం : 1

ఎదనే దాచుకుంటావో నా ఎదనే దాగి ఉంటావో

ఎదనే దాచుకుంటావో నా ఎదనే దాగి ఉంటావో

కదలికలన్నీ కథలుగ అల్లి కవితలే రాసుకుంటావో రామయ్య

పొన్నలు పూచిన నవ్వు సిరివెన్నెల దోచి నాకివ్వు

పొన్నలు పూచిన నవ్వు సిరివెన్నెల దోచి నాకివ్వు

ఆ వెన్నెలలో నీ కన్నులలో... ఆ వెన్నెలలో నీ కన్నులలో...

సన్నజాజులే రువ్వు కను సన్నజాజులే రువ్వు

సన్నజాజులే రువ్వు కను సన్నజాజులే రువ్వు

సీతమ్మ... సీతమ్మ...

దిక్కులు చూడకు రామయ్య పక్కనే ఉన్నది సీతమ్మ

సిరిమల్లె నవ్వుల సీతమ్మ ముందుకు రావే ముద్దులగుమ్మ ముద్దులగుమ్మ

చరణం : 2

కలలో మేలుకుంటావో నా కళలే ఏలుకుంటావో

కలలో మేలుకుంటావో నా కళలే ఏలుకుంటావో

కలలిక మాని కలయికలో నా కన్నులలో చూసుకుంటావో రామయ్య

వెల్లువలైనది సొగసు తొలివేకువ నీ మనసు

వెల్లువలైనది సొగసు తొలివేకువ నీ మనసు

ఆ వెల్లువలో నా పల్లవిలో... ఆ వెల్లువలో నా పల్లవిలో...

రాగమే పలికించు అనురాగమై పులకించు

రాగమే పలికించు అనురాగమై పులకించు

సీతమ్మ... సీతమ్మ...

దిక్కులు చూడకు రామయ్య పక్కనే ఉన్నది సీతమ్మ

సిరిమల్లె నవ్వుల సీతమ్మ ముందుకు రావే ముద్దులగుమ్మ ముద్దులగుమ్మ

చిత్రం : కల్పన (1977)

రచన : వేటూరి

సంగీతం : చక్రవర్తి

గానం : పి.సుశీల, జి.ఆనంద్