Manchi manasulu (1986) - 2

పాట - 1

పల్లవి :

జాబిల్లి కోసం ఆకాశమల్లే వేచాను నీ రాకకై

జాబిల్లి కోసం ఆకాశమల్లే వేచాను నీ రాకకై

రామయ్య ఎదలో రాగాలమాలై పాడాలి నేను పాటైనె

జాబిల్లి కోసం ఆకాశమల్లే వేచాను నీ రాకకై

చరణం : 1

నువ్వక్కడ నేనిక్కడ పాటిక్కడ పలుకక్కడ

మనిషిక్కడ మనసక్కడ ఇన్నాళ్ళైనా

నువ్వక్కడ నేనిక్కడ పాటిక్కడ పలుకక్కడ

మనిషిక్కడ మనసక్కడ ఇన్నాళ్ళైనా

నీ ఊసులనే నా ఆశలుగా నా ఊహలనే నీ బాసలుగా

అనుకొంటిని కలగంటిని నే వెర్రిగా

నే కన్న కలలు నీ కళ్ళలోనే

నాకున్న తావు నీ గుండెలోనె

కాదన్ననాడు నేనే లేను

జాబిల్లి కోసం ఆకాశమల్లే వేచాను నీ రాకకై

రామయ్య ఎదలో రాగాలమాలై పాడాలి నేను పాటైనె

జాబిల్లి కోసం ఆకాశమల్లే వేచాను నీ రాకకై

చరణం : 2

నా వయసొక వాగైనది నా వలపొక వరదైనది

నా మనసొక నావైనది ఆ వెల్లువలో

నా వయసొక వాగైనది నా వలపొక వరదైనది

నా మనసొక నావైనది ఆ వెల్లువలో

ఈ వెల్లువలో ఏమైతానో ఈ వేగంలో ఎటుపోతానో

ఈ నావకు నీ చేరువ తావున్నదో

తెరచాప నువ్వై నడిపించుతావో

దరిచేర్చి నన్ను ఒడి చేర్చుతావో

నట్టేటముంచి నవ్వేస్తావో

జాబిల్లి కోసం ఆకాశమల్లే వేచాను నీ రాకకై

రామయ్య ఎదలో రాగాలమాలై పాడాలి నేను పాటైనె

జాబిల్లి కోసం ఆకాశమల్లే వేచాను నీ రాకకై

వేచాను నీ రాకకై...

చిత్రం : మంచిమనసులు (1986)

రచన : ఆచార్య ఆత్రేయ

సంగీతం : ఇళయరాజా

గానం : ఎస్.జానకి

----

పాట - 2

పల్లవి :

జాబిల్లి కోసం ఆకాశమల్లే వేచాను నీ రాకకై

జాబిల్లి కోసం ఆకాశమల్లే వేచాను నీ రాకకై

జాబిల్లి కోసం ఆకాశమల్లే వేచాను నీ రాకకై

జాబిల్లి కోసం ఆకాశమల్లే వేచాను నీ రాకకై

నిను కానలేక మనసూరుకోక పాడాను నేను పాటైనె

జాబిల్లి కోసం ఆకాశమల్లే వేచాను నీ రాకకై

చరణం : 1

నువ్వక్కడ నేనిక్కడ పాటిక్కడ పలుకక్కడ

మనసొక్కటి కలిసున్నది ఏనాడైనా

నువ్వక్కడ నేనిక్కడ పాటిక్కడ పలుకక్కడ

మనసొక్కటి కలిసున్నది ఏనాడైనా

ఈ పువ్వులనే నీ నవ్వులుగా

ఈ చుక్కలనే నీ కన్నులుగా

నును నిగ్గుల ఈ మొగ్గలు నీ బుగ్గలుగా

ఊహల్లొ తేలీ ఉర్రూతులూగి

మేఘాలతోటి రాగాల లేఖ

నీకంపినాను రావా దేవి

జాబిల్లి కోసం ఆకాశమల్లే వేచాను నీ రాకకై

నిను కానలేక మనసూరుకోక పాడాను నేను పాటైనె

జాబిల్లి కోసం ఆకాశమల్లే వేచాను నీ రాకకై

చరణం : 2

నీ పేరొక జపమైనది నీ ప్రేమొక తపమైనది

నీ ధ్యానమె వరమైనది ఎన్నాళ్ళయినా

నీ పేరొక జపమైనది నీ ప్రేమొక తపమైనది

నీ ధ్యానమె వరమైనది ఎన్నాళ్ళయినా

ఉండి లేకా ఉన్నది నీవే

ఉన్నా కుడా లేనిది నేనే

నా రేపటి అడియాసల రూపం నీవే

దూరాన ఉన్నా నా తోడు నీవే

నీ దగ్గరున్నా నీ నీడ నాదే నాదన్నదంతా నీవే నీవే

జాబిల్లి కోసం ఆకాశమల్లే వేచాను నీ రాకకై

నిను కానలేక మనసూరుకోక పాడాను నేను పాటైనె

జాబిల్లి కోసం ఆకాశమల్లే వేచాను నీ రాకకై

వేచాను నీ రాకకై...

చిత్రం : మంచిమనసులు (1986)

రచన : ఆచార్య ఆత్రేయ

సంగీతం : ఇళయరాజా

గానం : ఎస్.పి.బాలసుబ్రహ్మణ్యం