Mamagaru (1991) - 1

పాట - 1

పల్లవి :

ఇయ్యాలె అచ్చమైన దీపావళి

వెయ్యేళ్లు నిత్యమైన దీపావళి

ఇయ్యాలె అచ్చమైన దీపావళి

వెయ్యేళ్లు నిత్యమైన దీపావళి

ఏనాడు ఎళ్లిపోని దీపావళి

ఏరి కోరి ఎంచుకొంది మా లోగిలి

ఏల ఏల చుక్కల్లో యెలుగలన్ని యెదజల్లి

మా ఇంట యెలిశాడు ఆ జాబిలి

ఏల ఏల చుక్కల్లో యెలుగలన్ని యెదజల్లి

మా ఇంట యెలిశాడు ఆ జాబిలి

ఇయ్యాలె అచ్చమైన దీపావళి

వెయ్యేళ్లు నిత్యమైన దీపావళి

చరణం : 1

అలాంటిలాంటిటోడుగాదు మా అల్లుడుగారు

కోటికొక్కడుంటాడా ఇలాంటి మంచివాడు

అలాంటిలాంటిటోడుగాదు మా అల్లుడుగారు

కోటికొక్కడుంటాడా ఇలాంటి మంచివాడు

కొండంత పెద్ద మనసు కలిగినోడు

గోరంత పేదగూటికొచ్చినాడు

కలిసొచ్చే కాలానికి నడిసొచ్చే కొడుకల్లే

కలిసొచ్చే కాలానికి నడిసొచ్చే కొడుకల్లే

ఇట్టాంటి అల్లుడొస్తే ప్రతి అమాస

ఆ ఇంటి దీపాళి పండగంట

ఇట్టాంటి అల్లుడొస్తే ప్రతి అమాస

ఆ ఇంటి దీపాళి పండగంట

ఇయ్యాలె అచ్చమైన దీపావళి

వెయ్యేళ్లు నిత్యమైన దీపావళి

చరణం : 2

మాయ మర్మం లేనివాడు మా మామగారు

మట్టిలోని మాణిక్యం మా ఆడవారు

గుండెల్లోన పెంచినాడు నన్ను కన్నవాడు

గుండెను గుడి చేస్తాడు కట్టుకున్నవాడు

మమకారమన్నది ఇంటి పేరు

పెట్టి పుట్టనోళ్లు దీన్ని పొందలేరు

సిరులేవీ కొనలేనిది సరిలేని ఈ పెన్నిధి

ఇట్టాంటి నవ్వులుంటె ప్రతి అమవాస

ఆ ఇంటి దీపావళి పండగంట

ఇట్టాంటి నవ్వులుంటె ప్రతి అమవాస

ఆ ఇంటి దీపావళి పండగంట

ఇయ్యాలె అచ్చమైన దీపావళి

వెయ్యేళ్లు నిత్యమైన దీపావళి

చిత్రం : మామగారు (1991)

రచన : సిరివెన్నెల

సంగీతం : రాజ్-కోటి

గానం : బాలు, పి.బి.స్వర్ణలత, బృందం