Lankeswarudu (1989) - 1

పాట - 1

పల్లవి :

జివ్వుమని కొండగాలి కత్తిలా గుచ్చుతోంది

వెచ్చని కోరిక రగిలిందిలే

నీవే నా ప్రేయసివే నీకేలే అందుకో ప్రేమగీతం

కస్సుమని పిల్లగాలి నిప్పులా అంటుతోంది

తీయని కానుక దొరికిందిలే

నీవే నా ప్రేమవులే నీకేలే అందుకో ప్రేమగీతం

జివ్వుమని కొండగాలి కత్తిలా గుచ్చుతోంది

చరణం : 1

ఒంపుల్లో సొంపుల్లో అందముంది

కసి చూపుల్లో ఊపుల్లో పందెముంది

ఒంపుల్లో సొంపుల్లో అందముంది

కసి చూపుల్లో ఊపుల్లో పందెముంది

కాశ్మీర కొండల్లో అందాలకే కొత్త అందాలు ఇచ్చావో

కాశ్మీర వాగుల్లో పరుగులకే కొత్త అడుగులనే నేర్పావే

నేనే నిను కోరి చేరి వాలిపోవాలి

కస్సుమని పిల్లగాలి నిప్పులా అంటుతోంది

చరణం : 2

మంచల్లే కరగాలి మురిపాలు

సెలయేరల్లే ఉరకాలి యవ్వనాలు

మంచల్లే కరగాలి మురిపాలు

సెలయేరల్లే ఉరకాలి యవ్వనాలు

కొమ్మల్లో పూలన్నీ పానుపుగా మన ముందుంచె పూలగాలి

పూవుల్లో దాగున్న అందాలనే మన ముందుంచె గంధాలుగా

నేనే నిను కోరి చేరి వాలిపోవాలి

జివ్వుమని కొండగాలి కత్తిలా గుచ్చుతోంది

కస్సుమని పిల్లగాలి నిప్పులా అంటుతోంది

చిత్రం : లంకేశ్వరుడు (1989)

రచన : దాసరి నారాయణరావు

సంగీతం : రాజ్-కోటి

గానం : మనో, ఎస్.జానకి