Khaidi no 786 (1988) - 1

పాట - 1

పల్లవి :

గువ్వ గోరింకతో ఆడిందిలే బొమ్మలాట

నిండు నా గుండెలో మ్రోగిందిలే వీణపాట

ఆడుకోవాలీ గువ్వలాగా

పాడుకుంటాను నీ జంట గోరింకనై

గువ్వ గోరింకతో ఆడిందిలే బొమ్మలాట

నిండు నా గుండెలో మ్రోగిందిలే వీణపాట

చరణం : 1

జోడుకోసం గోడదూకే వయసిది తెలుసుకో అమ్మాయిగారు

అయ్యొపాపం అంత తాపం తగదులే తమరికి అబ్బాయిగారు

ఆత్రమూ ఆరాటమూ చిందే వ్యామోహం

ఊర్పులో నిట్టూర్పులో అంతా నీ ధ్యానం

కోరుకున్నానని ఆటపట్టించకు

చేరుకున్నానని నన్ను దోచేయకు

చుట్టుకుంటాను సుడిగాలిలా

గువ్వ గోరింకతో ఆడిందిలే బొమ్మలాట

నిండు నా గుండెలో మ్రోగిందిలే వీణపాట

చరణం : 2

కొండనాగు తోడుచేరే నాగిని బుసలలో వచ్చే సంగీతం

సందెకాడ అందగత్తె పొందులో ఉందిలే ఎంతో సంతోషం

పూవులో మకరందమూ ఉందే నీకోసం

తీర్చుకో ఆ దాహమూ వలపే జలపాతం

కొంచెమాగాలిలే కోర్కెతీరేందుకు

దూరముంటానులే దగ్గరయ్యేందుకు

దాచి పెడతానూ నా సర్వమూ

గువ్వ గోరింకతో ఆడిందిలే బొమ్మలాట

నిండు నా గుండెలో మ్రోగిందిలే వీణపాట

ఆడుకోవాలీ గువ్వలాగా

పాడుకుంటాను నీ జంట గోరింకైనె

చిత్రం : ఖైదీ నంబర్ 786 (1988)

రచన : భువనచంద్ర

సంగీతం : రాజ్-కోటి

గానం : ఎస్.పి.బాలు, ఎస్.జానకి